睇完一大論,安心晒就決定正式幫佢開鍋,但 ... 點開鍋呢?
由於嗰時已係半夜,朋友都訓晒無得問,唯由上網爬blog,爬了大半夜,到正式開完鍋都已經5AM了!
無錯,mrs K 係傻的!!!!! 其實,係因為星期五晚開咗佢,等24小時之後,到星期日就有得試用!! 太心急,唔等得!
綜合各個blog & forum 及La Staub 的說明書, Mrs K 的開鍋方法如下:
要用到的工具: 廚房紙巾,熱水,菜油 (not olive oil), 隔熱手套, 油掃
1. 首先要去除所有煲身的貼紙,最難係底個 bar code sticker, mrs k要 搵風筒吹佢,等佢易d meet
2. 之後用熱水沖洗全個煲,還好我家廚房有接到熱水爐,如果唔係就要拎入沖涼房沖
3. 抹乾煲底及外圍,裝半煲水蓋住放落爐,開小火煮30秒到,再轉中火煮到水滾,水滾會有白煙,開蓋細心留意會見到有小小的氣泡係煲底升上嚟
4.用兩隻隔熱手套拎住兩邊耳仔倒晒d 水佢(小心,真係好熱)
5.用廚房紙巾抹乾所有水,煲蓋煲身裡裡外外都要,Mrs K 的廚房紙巾好易梅,所以用咗tempo (個煲仲係好熱的,小心!!)
6.放爐開火,乾煮30秒至1min 但求無晒D水份
7.有掃就用掃,無掃就用廚房紙巾幫所有黑色地方連邊位抹一層厚厚的油(個煲係熱的,小心, 唔好用olive oil)
8.開火連蓋煮1-2min, 令個煲熱番,吸油吸勁啲,形成一層自然的保護膜
9.熄火,由得佢放24hr
10. 用之前抹晒D油開熱水沖就用得,或者煲一開鍋滾水再倒咗佢
11.第一二次最好用嚟炸野,咁就更加襟用
平時保護:
- 唔好用到任何金屬用品掂佢,鐵鏟,鋼絲刷,唔好用到
- 唔好用到洗潔精洗佢,只好用水/熱水/毛巾抹
- 用完要即刻整干,唔好濕住水,易生繡
- 頭十幾次用完都要重覆洗淨,抹乾,上油,熱烘
- 唔好係個煲仲熱的時候落凍水,一冷一熱個煲唔腦受得咁刺激
- 太耐唔用要上咗油先好收埋
我的第一個 Staub ,welcome home!!~ 期待開張煮野食~
開鍋 ref blog & web (有很勤力的啦!)
留言列表