為什麼會有衝動開blog 寫煮食?一切從一隻被錯手殺掉的易潔鑊開始, 這是一件令人遺憾的意外:'(
其實係上年年中襯Mr Ip 出差的時候,新手煮婦Mrs K 繼打爛湯匙,整崩飯碗,溶咗個油掃同整溶咗一隻膠鑊鏟小小之後,又一戰績: 唔小心誤殺了家中的易潔鑊
其實mrs k 只係朝早起身,用佢嚟蒸即食燒賣做早餐,煮落就去刷牙洗面換衫...整整下...而...有燶味ge?!
9秒9跑去廚房...大鑊...無晒水,出緊白煙...Mrs K 超驚,即刻咩都唔理,倒咗D凍水落去, 佢就沙沙聲咁出煙...我就再倒多d 水落去,到佢無sha 先停
打俾出差中的mr ip報案,諗住佢會好溫柔咁安慰下我...點知俾佢鬧爆咗...
番嚟見隻鑊無咩野就照用,跟住就發覺唔對路... 唔知點解佢變咗 極! 痴! 底! 明明佢係叫non-stick pan, 但痴到呀媽都唔認得
再睇真D...原來...應該係燒壞咗
再上網睇搵info, 發覺易潔鑊
-係唔可以用大火,只要中火/小火就已經ok
-唔可以過熱空燒
-如果隻鑊太熱,唔可以落凍水,否則會因大溫差而破壞coating
好的,mrs k 就剛剛好以上三樣全中,媽媽給我的嫁妝之一(還好沒有很貴!),人生首隻易潔鑊就此certified!!
Mr Ip再上網找找看,然後就連剛煎好的痴底蛋都不能吃,因為痴底代表coating 已經被破壞,可能會入咗食物到,對人體有害
MR IP 就好惡咁話MRS K 點解會咁唔小心, 仲命令mrs K 自己去study 買番一隻一樣好用的易潔鑊番嚟，mrs K 頭很痛 (>д< …>д< …>д<…)
謝謝你陪Mrs K 走過這大半年的新手煮婦生涯,現在可以功成身退了! thanks a lot my first non-stick pan！ (錯手殺掉你絕對是個意外，我真的不是有心的！)
而study 完一大埋info, Mrs K 對揀易潔鑊有深入的了解...但mr ip 完全無視我ge努力...令我極度糾結
所以第一次出現了寫blog 的念頭,要找一個平台分享Mrs K對易潔鑊的深入研究,分析跟心得!!!
申延閱讀:
錯手殺掉易潔鑊之後續-如何揀一隻合適的易潔鑊 (下集)
留言列表
